منوعات

زوغووووطه…هئ

بقلم الاعلاميه رنا مصطفى

لما كنت صغيره في ابتداءي كنت دوده قراءه ..اي مجله ما تعديش من تحت ايدي حتي لو قرطاس لب ..كان عندي مكتبه صغننه طولي .وكنت مدمنه مجلات ميكي و تان تان ..كنت باروح قصر الثقافه اللي جنبنا استعير كتب..وارسم… لما كبرت شويه ابتديت أقرأ لكتآب كبار ..أكثر واحد أثر فيا هو الاديب المصري الساخر و الصحفي المحترف المبدع انيس منصور …. كل مقالاته وكتبه أهمهم الذين هبطوا من السماء ..الذين عادوا الي السماء….لعنه الفراعنه ….أرواح وأشباح….استهواني الخط ده وابتديت أسأل نفسي شويه أسأله لوزعيه ..وجوديه…. مهلبيه ….زي .. هو فعلا في كاءنات غيرنا في المجره …لما شويه قررت اني اتوغل في دراسه الحضاره المصريه القديمه ..اجدادنا العظماء ..تاريخهم وانجازاتهم للبشريه…. أسرارهم اللي لسه العالم مش عارف يفك رموزها …أو حتي اكتشاف اماكن كنوزهم المستخبيه …ازاي اهرامات الجيزه الوحيده اللي فضلت من عجائب الدنيا السبع القديمه ..ولم تندثر أو تختفي علي مدار 7000الاف سنه …ادعي البعض فرضيه وجود قوي خارقه و كاءنات متطوره علميا وحضاريا ساعدتهم في تحقيق إنجازاتهم للانسانيه ؟؟؟ ..لا لا دي مجرد افتراضات بحثيه لم يثبت صحتها و غير موثقه…بس ياتري فعلا في كاءنات فضائيه .. ازاي احنا اصحاب الحضاره الجباره دي وخايفين من شويه فيروسات .؟؟؟؟ازاي امريكا اللي عمرها في الدنيا ما يزيدش عن 200سنه وكسور اول عن آخر وأصبحت اقوي دوله بالعالم تسيطر علي كل مفاصله وتتحكم في مصير دول ؟؟؟؟لما سمعت أن أمريكا بتقول أن في كاءنات فضائيه في المجرات الآخري تم التواصل معها بعد الحرب العالميه الثانيه ..و قام الرئيس روزفلت بمقابلتهم و عمل بروتوكول تعاون من أجل الانسانيه؟؟ …و. وماله ياخويا . علي رأي الخواجه بيچو ايام زمان… احتمال برضه ليه لا….وارد …طيب .لما اعرف ان وكاله ناسا لأبحاث الفضاء عندها ملفات مصنفه ( سري للغايه). تم حجبها عن العامه سنين وسنين .؟؟ ما يضرش برضه واستعينوا علي قضاء حواءجكم بالكتمان… بس لما يظهر وزير دفاع كندا السابق. پول هاليبر (Paul halyber )..سنه 2014 في مؤتمر ويعلن قنبله اخباريه طالت معظم وسائل الإعلام العالمي نظرا لحساسيه منصبه و كونه مسؤل عسكري رفيع المستوي في كامل قواه العقليه و معروف عنه علمه الغزير و ثقافته المستفيضه….و هي تأكيده وجود كاءنات فضائيه تعيش منذ الاآف السنين بين البشر….وان هناك مايسمي باتحاد الكاءنات الفضاءيه ومهمته مراقبه ما يقوم به البشر دون التدخل في شؤننا الا برغبه منا …مؤكدا وجود اربع انواع من الكائنات التي تزور الأرض منذ الآف السنين ومنهم ما يسمونهم (الطوال البيض ) ..ومنهم من يتعاون عسكريا مع أمريكا و يعمل كخبير بقاعده نيڤادا العسكريه الشهيره.. واضاف أنهم أمدوا البشريه بتكنولوچيا متطوره وتقنيه حديثه كصناعه الشراءح الالكترونيه.. وأكد أنه هو شخصيا قد قام بالاجتماع مع هذا الاتحاد الكاءناتي واعربوا له عن خيبه أملهم في اسلوب حياه البشر و طريقه اهانتهم لكوكبهم الارض و تدميره عن عمد… ؟؟؟؟بس ياتري هل هما تحور للجنس البشري علي مدار ملايين السنوات الضوئية ؟ولو كده احنا فعلا بنتواصل معاهم ولا لسه؟ هما فعلا بيتفرجوا علي تقدمنا الإنساني الحضاري و يقارنوا تطورنا ولا يا تري احنا أجدادهم المندثره. في نظره من المستقبل البعيد….؟؟؟ كل الاسئله دي كانت ومازالت وستظل في مخيلتي ….سواء وعافتراضات ….نظريه مؤامره …حرب شاءعات أو حرب بارده.. …. بس المشكله هيا لو فعلا نزلوا كوكب الأرض وبالأخص مصر ياتري حيفضلوا زي ما هما… ولا الچينات المصريه حتؤثر فيهم كما هو الحال لكل غازي …نحن شعب نؤثر بالآخر ولا تتأثر به….يا خوفي لا نلاقي واحد منهم واقف جنب الطبق الطاير عند منزل كوبري المنيب…..وبينادي واحد مريخ ….واحد مريخ. . و مشغل بصوت عالي اغنيه شاكوش …عود البطل ملفوووووووف .. هئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق